Amal Tamimi

Glöggt er gests augað segir máltækið. Með þetta máltæki í farangrinum voru fjórir blaðamenn sendir frá Nordisk Atlantsamarbejde (NORA) á vormánuðum 2008, einn frá Íslandi, einn frá Færeyjum, einn frá Noregi og einn frá Grænlandi, í ferð á NORA svæðið.

Grænlenski blaðamaðurinn Mariia Simonsen kom til Íslands og heimsótti bónda parið Hrefnu og Hildibrand, rithöfundinn Einar Már Guðmundsson og innflytjenda frá Palestínu Amal Tamimi, sem aðstoðar aðra innflytjendur að aðlagast samfélaginu á Íslandi jafnvel og hún hefur gert sjálf eftir 13 ár í landinu. 

Eitt af andlitum NORA svæðisins er Amal Tamimi, framkvæmdastjóri Jafnréttishúss. 

Amal er formaður lýðræðis- og jafnréttisnefndar í Hafnarfirði, varaformaður Innflytjendaráðs, í stjórn kvennahreyfingar Samfylkingarinnar og einn af stofnendum Samtaka kvenna af erlendum uppruna. Hún varð íslenskur ríkisborgari árið 2002 en hún flutt til Íslands frá Palestínu árið 1995. Amal er sex barna móðir.  

Amal þekkir það af eigin raun að tilheyra minnihlutahópum í þjóðfélaginu. ,,Þegar ég flutti til Íslands þurfti ég að vinna hörðum höndum til að brauðfæða fjölskyldu mína. Ég vann m.a. í fiski og við ræstingastörf en árið 2000 varð ég öryrki. Ég hóf þá nám í félagsfræði við Háskóla Íslands og lauk þar BA-prófi árið 2004. Árið 2002 hlaut ég íslenskan ríkisborgararétt – dagur sem ég mun seint gleyma. Ég varð hluti af þessu landi og öðlaðist öll þau réttindi sem tilheyra Íslendingum, t.a.m. að fá að kjósa og að bjóða mig fram. Ég hef reynt að taka virkan þátt í samfélaginu og ég vil beita mér fyrir uppbyggingu á réttlátu og sanngjörnu samfélagi,” segir Amal.