Jafnréttishús veitir upplýsingar og ráðgjöf um íslenskt samfélag fyrir Íslendinga og innflytjendur.

M.a. hagnýtar upplýsingar um íslenskan vinnumarkað, heilsugæslu, skólamál, húsnæði og banka.

Ráðgjöf í huglægari efnum eins og mannlegum samskiptum í fjölmenningarsamfélagi, menningarmun, menningarsjokki, fordómum, rasisma og tungumálum.

Ísland tekur þátt í því verkefni með Sameinuðu þjóðunum að styðja konur í neyð og í september 2008 kom hópur af flóttakonum frá Írak til Akraneskaupstaðar. Það var leitað til Jafnréttishúss vegna reynslu og þekkingar á þessu sviði og gerður samningur til eins árs, hlutverk Jafnréttishúss var að sjá um túlkaþjónustu, samfélagsfræðslu og starfsþjálfun fyrir konurnar og aðstoða börnin í grunn-og leikskóla.