Fréttatilkynning

Lögfræðileg ráðgjöf fyrir innflytjendur í Jafnréttishúsi í Hafnarfirði

Hafnarfirði, þ. 26. ágúst 2010

Jafnréttishús hefur fengið til liðs við sig lögfræðing til að veita innflytjendum ókeypis lögfræðilega ráðgjöf. Undanfarin ár hafa innflytjendur geta sótt lögfræðilega ráðgjöf hjá Alþjóðahúsi. Eftir að starfsemi Alþjóðahúss lauk, sem byggðist m.a. á þjónustusamningi við stærstu sveitarfélög höfuðborgarsvæðisins, var almenn ráðgjöf og lögfræðiráðgjöf fyrir innflytjendur færð til Félagsþjónustu Miðborgar og Hlíða. Innflytjendur í nágrannasveitarfélögum Reykjavíkur geta því sótt lögfræðilega ráðgjöf í Jafnréttishúsi.

Ráðgjöf Jafnréttishúss er hluti af verkefni Félags- og tryggingamálaráðuneytisins er nefnist Átak til þunglyndis. Jafnréttishús hlaut styrk í tengslum við verkefnið til að koma á móts við innflytjendur búsetta utan Reykjavíkur. Ráðgjöfin verður í höndum Helgu Leifsdóttur lögmanns sem hefur viðamikla reynslu og hefur verið lögmaður á Neyðarmóttöku vegna nauðgana frá árinu 1993, auk þess að reka eigin stofu.

Helga verður með viðtalstíma tvisvar á mánuði, þrjár klukkustundir í senn. Þeir sem óska eftir ráðgjöf hafi samband við Jafnréttishús í símum: 534-0107, 534-0108 eða 534-0109, eða sendi tölvupóst á Þetta netfang er varið fyrir ruslrafpósti, þú þarft að hafa Javascript virkt til að skoða það

Hlutverk Jafnréttishúss, sem stofnað var 2008, er að aðstoða innflytjendur við aðlögun að íslensku samfélagi og stuðla að virkum samskiptum milli íslendinga og innflytjenda. Það er gert með því að vera með íslensku og lífsleiknikennslu, samfélagsnámskeið og ýmsa viðburði, einnig ráðgjöf og túlkaþjónustu.

Nánari upplýsingar veitir: Amal Tamimi, framkvæmdastjóri Jafnréttishúss í síma 899-2301.

ÚTIHÁTÍÐ OG FJÖLSKYLDUHÁTÍÐ Á HELLU

THAILENSKA – ÍSLENSKA FÉLAGIÐ

HALDA ÚTIHÁTÍÐ VIÐ TJALDSTÆÐI GRUNNSKÓLA HELLU  FÖSTUDAGINN  30.JÚLÍ – 1.ÁGÚST 2010

-

- MARKAÐUR

-SÝNINGAR

-ÍÞRÓTTAKEPPNIR

-TÓNLIST OG KAROKEE

VERTU MEÐ OG NJÓTU VESMANNAHELGI MEÐ OKKUR.

MEIRA AF UPPLÝSINGUM Á THAILENSKA-ÍSLENSKA FÉLAGIÐ.-SÍMIN 8973611,8673648,6932251

                      VERIÐ Í GÓÐA SKAPINU!!!!!

.

Kynningarbæklingur sendur erlendum ríkisborgurum sem eiga kosningarrétt við sveitarstjórnarkosningarnar

20.5.2010

Alls eiga 4.575 erlendir ríkisborgarar kosningarrétt við sveitarstjórnarkosningarnar 29. maí næstkomandi og hefur dómsmála- og mannréttindaráðuneytið nú sent þeim öllum kynningarbækling um kosningarnar. Í bæklingnum er að finna leiðbeiningar á ellefu tungumálum auk íslensku um kosningarrétt, kjörskrá, framkvæmd atkvæðagreiðslu og fleira.

Samkvæmt lögum um kosningar til sveitarstjórna eiga kosningarrétt danskir, finnskir, norskir og sænskir ríkisborgarar 18 ára og eldri sem hafa átt lögheimili á Íslandi í þrjú ár samfellt fram á kjördag, og aðrir erlendir ríkisborgarar 18 ára og eldri sem hafa átt lögheimili hér á landi samfellt í fimm ár hið minnsta fram á kjördag. Flestir hinna erlendu ríkisborgara koma frá Póllandi, eða 822, 586 koma frá Danmörku (þar með taldar Færeyjar og Grænland), 329 frá Þýskalandi, 245 frá Litáen, 232 frá Filippseyjum, 220 frá Bretlandi og 215 frá Taílandi, svo eitthvað sé nefnt.

http://www.kosning.is/media/2010/Kosningabaekl2010-net.pdf

Hvað hyggst þinn flokkur gera í málefnum innflytjenda?

Morgunverðarfundur með frambjóðendum til borgarstjórnar

Grand Hótel, föstudaginn 30. apríl kl. 8 – 10

Þátttakendur í pallborði:

Kjartan Magnússon fyrir Sjálfstæðisflokk

Oddný Sturludóttir fyrir Samfylkinguna

Sóley Tómasdóttir fyrir Vinstrihreyfinguna - grænt framboð

Einar Skúlason fyrir Framsóknarflokkinn

Ávarp fyrir hönd Teymis um málefni innflytjenda: Kristín Vilhjálmsdóttir, Borgarbókasafni

Fundarstjóri: Margrét Steinarsdóttir, framkvæmdastjóri Mannréttindaskrifstofu Íslands

Dagskrá fundarins er eftirfarandi:

Fulltrúi teymisins setur fundinn

Fulltrúar framboða til borgarstjórnar halda stutt erindi þar sem þeir munu svara eftirfarandi spurningum:

1.       Hvernig ætlar þitt framboð að fylgja eftir mannréttindastefnu Reykjavíkurborgar í málefnum innflytjenda?

2.       Hvaða verkefni eru brýnust í því samhengi og hvers vegna?

3.       Hvernig viljið þið sjá þjónustu við innflytjendur og fjölskyldur þeirra í framtíðinni?

Að erindum loknum verða spurningar úr sal. Notum tækifærið til að koma málefnum innflytjenda á dagskrá kosninganna í vor!

Teymi um málefni innflytjenda er samráðsvettvangur stofnana ríkis og sveitarfélaga, fyrirtækja og frjálsra félagasamtaka sem vinna að málefnum innflytjenda og hafa starfað síðan 1995.

Vinsamlega skráið þátttöku í fundinum í netfangi Þetta netfang er varið fyrir ruslrafpósti, þú þarft að hafa Javascript virkt til að skoða það eða hjá Gerði í síma 8230767.

Morgunverðurinn kostar 1.850 kr. og er það aðgangseyririnn.